我會覺得自己是最早發現Jamie Oliver的香港觀眾, 就算不是第一個, 都是頭幾個. 忘了多少年以前, 一向喜愛看明珠台八點半節目的我遇上這個節目"The Naked Chef", 當時真有如一股衝擊, 像一口氣喝了一杯大可口可樂般過癮. 以往看過的烹飪節目, 設計都是比較傳統的, 除了Rick Stein 或 Keith Flyod兩位英國大廚的節目外, 其他的都是比較一板一眼, 直至這位小伙子出現, 來了個180度的革新. 首先我們可以登堂入室, 去到Jamie的studio flat, 聽著他與鏡頭外主持人閒話家常, 就像走進了他的生活, 看他弄東弄西跟朋友們開派對, 看他為一班姪仔姪女小朋友們預備野餐的輕食, 看他焗巧克力餅給女友; 節目就是如此的充滿青春活力, 配樂更可以用上Pet Shop Boys, David Holmes, Air...... 總之感覺破格. 椰菜蝴蝶粉, Pan-fried Breakfast, 牛油烤雞等通通我都是這樣學成的.愈來愈多聲音, 也愈來愈多人留意他, 他亦開始走紅, 推至第二輯, 連同節目主題的烹飪書一起發行, 一集又一集, 他亦由BBC轉戰Channel 4, 繼續同名節目, 可惜場景轉了, 新鮮的感覺也似乎有所退減, 我對他的熱度開始下降.我的視線轉向到新冒起的女主持(我不可稱她"Chef", 而她著實不是) Nigella Lawson的身上. 這時, 我知道Jamie Oliver結了婚, 生了小孩, 十分可愛的寶寶, 獲英女皇授勳, 繼而在烹飪節目上做了更多新的嘗試; 像出走到意大利尋根 (他的師父是一位意大利廚師), 居然給當地人批評技巧; 野心勃勃做了意圖改變英童不健康的飲食習慣等, 我感到他很努力去嘗試提升自己, 開拓更多的可能性, 卻有點吃力. 直至"Jamie At Home"的出現.
可以說除了早期的特輯, 是我最愛的. 雖然畫面中的Jamie已經不再是那種初生之犢的味道, 畢竟都做人阿爸, 而且經歷起起跌跌, 已多了一份滄桑男人味. 雖然如此, 他的活力仍舊可以在他煮食的一舉手一投足見得到. 而且, 這一輯真是對正我口胃, 場景選了農莊, 非常英式(或歐洲式)農家廚房的滋味. 野菜, 香草, 新鮮的雞蛋, 薯仔, 紅蘿蔔...... 總之主打大自然和有機飲食. 而鏡頭下的Jamie是重拾了一些熱情, 看他奔放自如的弄每一道菜, 而且完成後的那種快慰和欣賞, 就知道什麼是真正的投入. 坦白說, 節目的每一道菜都是我想學習的, 我希望自己煮的東西也可以這麼單純但有風味. 而不得不讚賞這特輯的美術指導, 分場中的那些手繪食譜真是美極了, 而且農舍廚房的佈置都是落了心機. 我又再次追隨Jamie Oliver了.
4 則留言:
我睇Jamie既時候,佢仲係瘦瘦的,又未結婚,除左鍾意睇佢煮送,仲有他那位英國典型氣質美女的女友,都算驚為天人架…哈哈…可惜Jamie已開始步入中年,再過幾年唔知會唔會變成肥彭樣子教人煮燒鵝同整旦撻!
上次送你的cookbook,本來真的考慮過"農莊"果本,同樣覺得插圖好靚,但諗諗下,37樓何來後花園給你種瓜種菜,所以都係退而求其次,揀過另一本,估唔到…哈哈…
Nigella Lawson,高貴!但她的甜品落得太多太多糖牛油同cream…雖然好肥好肥,但每次睇完又好想食喎!
我同你一樣, 睇住佢肥, haha! 不過我第一次見到佢女友, 亦即係現任太太Jules時都好驚為天人呀, 因為佢真係幾靚, 聽講佢地high school同學, Jules仲係model.
因為你送俾我本Jamie The Ministry Of Food, 我都有係有線睇同名節目, 佢個concept係佢選咗英國一個town仔, 教一班人煮幾個菜, 跟住叫佢地再教朋友, 希望一傳十十傅八, 跟住全town啲人都會識煮, 不過我覺得呢個只係理想化層面上可以實現, 實際上好難.
Nigella 我都仲係幾鍾意, 特別係佢兇啲product, 不過佢係sell第二樣嘢, 其實唔可以同Jamie比較ge~~
阿j好似出左d香草呀，你有無見過？
我知呀!! Jamie出咗好多product, 有幾款鹽, 用來醃牛排嘅, 我都想買呀!!
發佈留言